剛睇到千嬅話可能唔會係今年開演唱會　睇到的時候真係有ｄ失望

不過都好！有足夠的準備！先可以有超水準的演出！可以令所有人都為她而喝采！為我哋造好一場叫好叫座的演唱會吧！

(星島日報報道) 楊千嬅昨晚出席旗下公司豐德麗集團的春茗活動，被傳媒追問她與丁子高將於6月在上海結婚一事時回應：「今次真的令大家失望，我不是結婚，我結婚也那麼少篇幅，真的輸給『鹹豬手』了。丁子高可有向我求婚？誰呀？前年傳我英國結婚，今年傳上海，總之結婚時一定會公布。（你是否以12萬元租屋）若果自住一定不會租，況且現時不是買樓的好時機。」追問到是否與丁子高感情穩定時，千嬅直言對方是好朋友，提到新年與他到首爾預支蜜月時則避談的說：「是與朋友旅行，（會否公開拍拖？）做藝人不用公開，總知結婚會公布。」由於缺席A-Music的春拜，千嬅笑言今次是來與老闆黎明食和頭飯，並指黎明已預備了生日禮物給她。提到黎明會否不准旗下藝人結婚時，她笑言現在怎會還有這種合約？但她直言不敢早過老闆結婚

昨天聽到小儀話傳千嬅好事近！雖然昨天就真係無咩返應，今日又聽到同事同我講開呢個問題！個心總是好似有ｄ野頂下頂下咁！好唔舒服！不過我知道無論結果係點！我哋都只係可以係遠方送上祝福！愛情係唔可以用任何野來計算同衡量的！就好似我的一個同事咁．．．

佢哋係三年之前拍拖，今年一月結咗婚啦！佢哋的幸福係所有人都睇到同感受到的！但一開始我都真係好唔睇好佢哋呢一對！不竟個男的係同拍咗拖七年的女朋友分手而同個女仔一齊！而個女的係剛同自己男朋友分手！我總覺得男的係因為女的比較年輕，而個女的係因為同男朋友分手之後覺得寂寞想搵人陪，咁啱又有男仔追，咁就一齊啦！點知佢哋真係結咗婚！不過平時約出來食飯／搞活動都覺得佢哋好夾，好開心，好幸福！

所以在呢我哋呢ｄ連第三者都談唔上的外人，又如何能對一段感情判決呢！既然係咁我哋呢ｄ支持者就唯有默默的支持，到最後不論結果係點，千嬅的選擇係正確與否我呢都會死撐就係啦！總之就最想佢會得到幸福同快樂，過佢想過的生活，有一個真真正正痛錫佢的人陪佢咁就得ga la！因為佢應該要得到最好的！

祝福你！