９０３叱吒今日開始投男女歌手
麻煩咁多位朋友仔們＞＞＞＞＞
幫幫手投千嬅一票 最好就叫多ｄ人一齊投啦
選情告急呀 唔該晒！！ 謝謝！！！
一開始聽呢隻碟 可能因為派台歌的關係 最喜愛的都係明日再會
近排不斷的播 自己又播 收音機又播 對呢隻碟的所有歌都係一個重新的睇法
當然依然最愛明日再會 再而係塗鴉
但對近期勁播的一首歌
撈月亮的人
就有一種更深的睇會
近排因為趕功課的關係 經常都會聽到深夜兩三點的節目
記得有一晚 主持播呢首歌的時候話 好想聽一首寧靜的歌 就讓大家享受寧靜的夜晚
當時都無咩特別的感覺 只係想 有播佢的歌就好啦
昨天係清晨未睡醒的時候 又聽到電台播呢首歌
當時真係感受到個晚主持人所講的寧靜
好想停下所有做緊的事 閉上眼 用心去感受呢首歌的平靜
原來呢首歌真係可以咁寧靜 千嬅唱到 我亦都感受到啦！
千嬅下年真係會開演唱會？？？？？
咁快？？？？？？
之前聽同事講（呢個同事因為我的關係，開始越來越迷千嬅啦！！！哈哈哈！！！），我係超級唔信，因為佢上次All about Love同再上次開年大典的時間實在係相差得太遠啦！不過，如果真係開得成的話，嘻嘻，我今次一定會睇多幾場，一定係$480飛，頭場同加場就一定會ga la，走堂都來睇呀（希望到時唔好走唔到堂啦！）今次最少已經有三個朋友仔會分別同我睇三場，嘻嘻！上年已經mark咗佢哋ga la！！！！ 今次實無死啦！總之今次有得訂飛就訂飛，無得訂飛就重好，早ｄ去排隊揀位買飛（雖然應該唔駛排，不過上次佢口碑咁好，唔知下年的演唱會會唔會多咗人買飛呢?)
不過，我一定會買到的！！！！！
昨晚聽完千嬅係903<永恆的愛陳百強> 一直都知道千嬅好崇拜Danny 但估唔到的係同ｅ家她的fans一樣 佢當年都係一個超級fans 連我都自嘆不如
佢在訪問中講過 因為DANNY鍾意紫色 所以佢覺得紫色好浪漫 因而愛上咗紫色 亦都會因為DANNY的關係 而鍾意彈琴的男仔 所有似DANNY的 佢都會覺得好美 好型
想想Ｅ家的我都係好愛紫色的 但呢樣唔係受千嬅影响的 而係好細個就好愛 性格亦都無因為千嬅而改變更多 感覺上係因為大家的喜好／性格都好相似 而得到共鳴 兩個烈女 一樣的理想 想活得更精彩 為自己想過的生活而努力 一樣的固執／硬頸 千嬅可能已經有進步啦 但我依然係學習階段
千嬅係因為DANNY而愛 而我就係因為大家的愛而得到共鳴 兩者出自不同年代的愛 但都同樣的崇拜
