呢排有一個好無聊的想法　

如果千嬅有一日退出娛樂圈　咁我可以搵邊個去填補千嬅的個個空虛呢？　

＞＞＞＞＞＞＞

每次一聽有關千嬅的消息都會有好大感覺　今日又聽到佢唱「明日再會」的時候　喊咗出來　話想搵返以前的唱腔　可能係呢首歌好有感觸吧　我都係呀．．．　

尤其係呢首歌出的時候　咁啱係我又大一歲的時候　個句『來日幼稚少女　雲上再會』　真係好感慨　知道時間過咗去　距離自己想達到的目標　時間就越來越近　但想要的成績　重係差好遠　

吓！要努力啦！　要把握時間　要將時間再追回來！！！！！！！！！

今晚同咗班朋友仔出去食飯補祝生日　收到一份期待已久的生日禮物　

係咩？　

就係．．．．

千嬅的兩隻舊碟　我搵咗好耐都搵唔到呢！

可能係因為兩隻都攞過獎的關係吧　一隻係攞咗當年的銷售獎　一隻係攞咗大碟獎　而且重係千嬅親自做producer呢！　咁都比佢搵到　真係太好啦!　而且係太感激啦！　今年的生日真係一浪接一浪呀！正！

吓！個背景搞咗幾次，今次終於都可以叫做ＯＯ哋，可以放上來會住先，都唔知係因為呢個BLOG的功能比較少，限制比較多，定係我唔識用，搞極都搞唔到我想要的，比起XANGA的難好多，好難HANDLE！

好開心，今日小女子生日，有好多驚喜，如果生日願望可以成真的話，你話有多好，我今日食咗三次生日蛋糕，許咗三個願望，一個留咗比千嬅，如果能夠實現的就好啦，咁佢的愛情就有著落啦，希望佢可以幸福快樂咁過跟住的人生啦！！！！！

好鍾意好鍾意呢首歌　雖然已經聽過好多好多次　但越聽越喜歡　係因為佢的曲調好舒服

千嬅的聲音好能打動到我　又可能係因為呢排的心情好啱聽呢首歌吧！

佢SINKO個廣告又有新相啦 　今次張想係用鬰金香襯托的　但我都係比較鍾意上次的個輯想多Ｄ　個種專業人仕個樣　好啱千嬅　而且今次張想唔知點解　總覺得好假　上次個張自然好多　雖然今次呢張COLORFUL 好多　但都係鍾意上次個張　靚Ｄ

首歌聽完啦　似乎千嬅唔係想REFRESH　而係想REBORN　歌路都係差唔多　她一貫的感性又出來啦　但感覺上就好似去到人生的另一個階段　有種新的感受　但又唔係上次的灰暗感　不過總覺有種說不出的無力感　好似返唔到轉頭　對世事的無能為力　係過去的一種回望　參透　唔會又係寫自己吧？　

不過　就幾鍾意個音樂　好舒服　尤其係開始的鋼琴聲

今次應該係首慢歌啦　同樣都好似上一次的碟咁　成熟感好重　不過未聽過　唔知感覺如何　但林若寧的詞應該ok吧　上次的ALL ABOUT LOVE效果唔錯呀　希望今次會有更好的成績

作曲：龍世樑 填詞：林若寧 編曲：Adrian Chan 監製：于逸堯

爲何並沒淚光哭了 懷念你偶爾都眼眉跳 沒有開不開心 平靜的深宵 才靜聽到我也有心跳 純真 人人只經過一次 無奈到我發覺便到此 和你那天於單車貼著背 回頭一刹 慨嘆愛路太迂回 誰離去 誰人接力挽手都被支配 尋幸福的少女 明日以無力再會 誰記得共你當初那樣匹配 純良的愛 往往最後也碰灰 多一個 得一個扮作滿足都學會 明日哪樣到我去後悔 明明寂寞亦都歡笑 忘掉你當作心理治療 遇上幾多的他隨著煙花燒 其實哪個對我最緊要 還妄想坐於單車貼著背 原來早已錯過了沒法再追 不知道 誰微笑或痛哭怎樣分配 曾幸福的少女 從前幻想都變灰 還妄想遇上身邊對象匹配 尋求所愛 變作了誰人前輩 識一個 貪一個就當最佳的絕配 留待有二百歲至後悔 來日幼稚少女 雲上再會

回來了　帶著一顆錯敗的心回來了
等唔到要等的學位　雖然來年的方向已有定位
但呢兩個星期的心情已是一團穢
一向我都以為我比他好　我應該有機的　雖然時隔幾年　大家的發展唔同　有ｄ野佢已經超越咗我　但今次總覺自己輸得好折抵　近排經常有這樣挫敗感　覺得自己不如人　唔夠好　咩事都做得唔夠好　差透啦！！！！！！

有些許失望　有大大的挫敗　
加上一大堆不知名的情緒　心情低到極點
不段的調節都無用　依然提唔起勁
公司裏　工作效率急跌
有人在的地方還可以　當一齊歸於平靜後
不安的情緒又浮出來

又想太多＞＞＞＞＞＞＞＞＞＞＞＞＞

之前寫亦舒的時候　寫漏咗ｄ感覺．．．

一向睇書都好快　好想快ｄ知道劇情的發展　所以會跳過好多字　睇第二次的時候先會續個續個字磨　而且每次一收到本新書就一定會睇咗個結局先　看看是否happy ending　if not就可能會無咁有興致去睇　如果係買書的話就可能會因為結局唔好而唔買　

因為每次看完一本書　如果唔係我想要的結局　我會唔開心一排　覺得結局唔應該係咁　男女主角唔應該有呢個發展　個心會好舒服　所以如果以消遣的心情去睇書的話　我一定會揀開心的去睇　

亦舒的書　今次只係睇咗一次　書中的情節都唔係記得好清楚　當中的道理似有似無　但就好有思考的空間　有一種感慨　唔係一種可以只用來消遣的書　真係比較有深度　想想想　有種唔想錯過的感覺　真係要花心機同時間去領略